家中的電腦又抗議了,昨晚開始一開機就有message話有問題,畫面出來但click任何都沒反應,這星期希望揾到人check吓有什麼問題啦,如果唔係它就要休息一段長日子,我就未必可以寫blog了,因為工作上開始忙,可能lunch time 都無時間login了.

人生真係好無奈,想不到上次寫完好消息,昨天卻收到一個遠方傳來的消息,Brother Ceci已上了天堂, Brother Ceci 係我讀書時期學校一位好風趣的brother,帶很多歡樂給大家,看到不斷有人在其website留言,可想而知大家多麼尊敬他.

Thanks for everything !

Rest in peace Brother Ceci.

與家人去澳門,我什麼都有帶消毒濕巾, 口罩.不過一家人都覺得我誇張,所以上船沒有人帶口罩,咁我就同媽咪講用手巾仔掩吓, 二姐聽到立即說:"依d整定,要有就有."我立即反駁"有好多嘢係可以避免的".佢即刻話有些係避都避唔到. 我心知如果再爭論,一定反面,那麼行程就玩完.不過我真的不高興,因為我覺得可能我係緊張咗d, 但都唔可以唔提防下.

今日同家人會去澳門玩, 去睇天幕,zaia,  今次去每人都要成千蚊,比平時去澳門的費用貴咗d,不過一家人去想住好d,又睇zaia所以先要咁多錢,希望係值得睇啦!

 星期一下午先返,然後晚上又上課了,

知道外甥女在菲就讀的學校有學生感染了h1n1而要停課十天,剛好外甥女又喉嚨痛, 已令我另擔心,想不到見到姪女上網,我叫佢小心身體因為她的學校同外甥女的好近,點知佢話佢都咳同喉嚨痛,我就更加擔心她們的健康,同佢哋chat完我開始頭痛,可能我太緊張啦!

晚上終於頂唔順,提早休息, 心想都溫習了好幾天,明天考試應該可應付到.

今早起床仍然頭痛,勉強溫習了一陣,同自己講今日要快d答完回家休息. 到達學校附近,遇到一個婆婆,她竟在我隔離吐痰,幸好我縮得快.

考試啦!課室熱得很,可能老師也發覺到,所以我見到佢不停起身調教冷氣,開始答第一條題目就慘,雖然老師出的題目好容易,但我又犯了同一錯誤就係自亂陣腳.我很氣自己,我想老師也對我好失望,

今天穿上黑衣紀念六四, 可惜今晚不能出席晚上的燭光晚會.